അധിക സ്റ്റോപ്പുകളും സമയക്രമവും, പ്ലാറ്റ്ഫോം ക്രമീകരണവും പ്രഖ്യാപിച്ച് റെയിൽവേ
konnivartha.com: തിരുവനന്തപുരത്ത് നിന്ന് നാഗർകോവിൽ ഭാഗത്തേക്കുള്ള ട്രെയിനുകൾ ഒന്നാം നമ്പർ പ്ലാറ്റ്ഫോമിൽ നിന്ന്; കൊല്ലം ഭാഗത്തേക്കുള്ള ട്രെയിനുകൾ രണ്ട് മുതൽ അഞ്ചുവരെ പ്ലാറ്റ്ഫോമിൽ നിന്ന്
konnivartha.com: ആറ്റുകാൽ ഭഗവതി ക്ഷേത്ര പൊങ്കാല മഹോത്സവത്തിൽ പങ്കെടുക്കാനെത്തുന്ന യാത്രക്കാരുടെ സൗകര്യാർത്ഥം വിപുലമായ ക്രമീകരണങ്ങളൊരുക്കി ദക്ഷിണ റെയിൽവേയുടെ തിരുവനന്തപുരം ഡിവിഷൻ. തിരുവനന്തപുരം സെൻട്രൽ സ്റ്റേഷനിൽ യാത്രക്കാരുടെ സുരക്ഷിതവും സുഗമവുമായ യാത്ര ഉറപ്പാക്കാനായി പ്രത്യേക ട്രെയിൻ സർവീസുകൾ, അധിക സ്റ്റോപ്പുകൾ, നിയുക്ത പ്ലാറ്റ്‌ഫോമുകൾ, മെച്ചപ്പെട്ട ടിക്കറ്റിംഗ് സൗകര്യങ്ങൾ, സുരക്ഷാ ക്രമീകരണങ്ങൾ എന്നിവ ഉൾപ്പെടെ നിരവധി നടപടികളാണ് റെയിൽവേ ഒരുക്കിയിട്ടുള്ളത്.
(മാർച്ച് 13) , തിരുവനന്തപുരം സെൻട്രൽ സ്റ്റേഷനിൽ നിന്ന് നാഗർകോവിലിലേക്കുള്ള ട്രെയിനുകൾ ഒന്നാം നമ്പർ പ്ലാറ്റ്ഫോമിൽ നിന്ന് പുറപ്പെടും, കൊല്ലത്തേക്കുള്ള ട്രെയിനുകൾ രണ്ട്, മൂന്ന്, നാല്, അഞ്ച് പ്ലാറ്റ്‌ഫോമുകളിൽ നിന്ന് പുറപ്പെടും. പവർ ഹൗസ് റോഡിലെ രണ്ടാമത്തെ പ്രവേശന കവാടം തുറക്കും. ഇത് യാത്രക്കാരുടെ പ്രവേശനത്തിന് മാത്രമായിരിക്കും. രണ്ടാമത്തെ പ്രവേശന കവാടത്തെ ബന്ധിപ്പിക്കുന്ന ഫുട് ഓവർ ബ്രിഡ്ജ് (FOB) വൺ-വേ ആയിരിക്കും. ഇതിലൂടെ പ്ലാറ്റ്‌ഫോമുകളിലേക്ക് പ്രവേശനം മാത്രമേ അനുവദിക്കൂ. മറ്റ് രണ്ട് ഫുട് ഓവർ ബ്രിഡ്ജുകൾ വഴി പ്ലാറ്റ്‌ഫോമുകൾക്കിടയിലുള്ള ഗതാഗതത്തിനും പുറത്തുകടക്കലിനും സൗകര്യമൊരുക്കും.
യാത്രക്കാരുടെ സൗകര്യാർത്ഥം, എറണാകുളം ജംഗ്ഷനും തിരുവനന്തപുരം സെൻട്രലിനും ഇടയിൽ, തിരുവനന്തപുരം സെൻട്രലിനും നാഗർകോവിൽ ജംഗ്ഷനും ഇടയിൽ അധിക ട്രെയിൻ സർവീസുകൾ നടത്തും. തീർത്ഥാടക യാത്രക്കാരുടെ സൗകര്യാർത്ഥം മുപ്പത്തിയൊന്ന് ട്രെയിനുകൾക്ക് അധിക സ്റ്റോപ്പുകൾ ഉണ്ടായിരിക്കും. പ്രത്യേകിച്ച് തിരുവനന്തപുരം നോർത്തിൽ വന്ദേ ഭാരത് എക്‌സ്പ്രസിനും ജനശതാബ്ദി എക്‌സ്പ്രസിനും തിരുവനന്തപുരം പേട്ടയിൽ അധിക സ്റ്റോപ്പുകൾ ഏർപ്പെടുത്തിയിട്ടുണ്ട്.
എളുപ്പത്തിൽ ടിക്കറ്റ് എടുക്കാൻ, പ്രവേശനത്തിനായുള്ള (ENTRY) പുറത്തേക്കുള്ള (EXIT) പോയിന്റുകളിൽ അധിക ടിക്കറ്റ് കൗണ്ടറുകൾ പ്രവർത്തിക്കും, കൂടാതെ തിരുവനന്തപുരം സെൻട്രലിലെ പ്ലാറ്റ്‌ഫോമുകളിൽ റിസർവ് ചെയ്യാത്ത ടിക്കറ്റിംഗും UTS ഓൺ മൊബൈൽ QR കോഡ് കൗണ്ടറുകളും സൗകര്യമൊരുക്കും. ഉയർന്ന യാത്രക്കാരുടെ തിരക്ക് കണക്കിലെടുത്ത്, സ്റ്റേഷനിൽ പാർക്കിംഗ് സ്ഥലം പരിമിതമായതിനാൽ, യാത്ര ചെയ്യുന്നവർ അതിനനുസരിച്ച് ക്രമീകരണം ചെയ്യേണ്ടതാണ്.
വലിയ ജനക്കൂട്ടത്തെ നിയന്ത്രിച്ച് യാത്രക്കാരുടെ സഞ്ചാരം സുഗമമാക്കാൻ പ്ലാറ്റ്‌ഫോമുകൾ കാര്യക്ഷമമാക്കി സുരക്ഷ ശക്തിപ്പെടുത്തിയിട്ടുണ്ട്. റെയിൽവേ സംരക്ഷണ സേന (ആർ‌പി‌എഫ്), ഗവൺമെന്റ് റെയിൽവേ പോലീസ് (ജി‌ആർ‌പി), ലോക്കൽ പോലീസ്, മറ്റ് അധികാരികൾ എന്നിവരുമായി ഏകോപിപ്പിച്ച് സുരക്ഷ നിരീക്ഷിക്കുകയും കൈകാര്യം ചെയ്യുകയും ചെയ്യും.
തീർത്ഥാടക യാത്രക്കാർക്കുള്ള പ്രധാന സുരക്ഷാ മാർഗ്ഗനിർദ്ദേശങ്ങൾ:
* സുരക്ഷാ കാരണങ്ങളാൽ റെയിൽവേ പരിസരത്ത് പൊങ്കാല അടുപ്പുകൾ അനുവദിക്കില്ല
* അപകടങ്ങൾ ഒഴിവാക്കാൻ പ്ലാറ്റ്‌ഫോമുകളിലും ഫുട്ട് ഓവർ ബ്രിഡ്ജുകളിലും (എഫ്‌ഒ‌ബി) ഇരിക്കുകയോ കിടക്കുകയോ ചെയ്യുന്നത് നിരോധിച്ചിരിക്കുന്നു.
* റെയിൽവേ ട്രാക്കുകൾ മുറിച്ചുകടക്കുന്നത് കർശനമായി നിരോധിച്ചിരിക്കുന്നു—പ്ലാറ്റ്‌ഫോമുകൾക്കിടയിൽ സഞ്ചരിക്കാൻ യാത്രക്കാർ ഫുട് ഓവർ ബ്രിഡ്ജുകൾ ഉപയോഗിക്കണം.
* സുരക്ഷിതവും സുഗമവുമായ സഞ്ചാരം ഉറപ്പാക്കാൻ യാത്രക്കാർ ആർ‌പി‌എഫ്, പോലീസ്, റെയിൽവേ ഉദ്യോഗസ്ഥർ എന്നിവരുടെ നിർദ്ദേശങ്ങൾ പാലിക്കണം.
പ്രത്യേക ട്രെയിനുകൾ
13ന് സർവീസ് നടത്തുന്ന ട്രെയിനുകൾ ( സ്റ്റേഷൻ, എത്തുന്ന സമയം എന്നീ ക്രമത്തിൽ)
1. ട്രെയിൻ നമ്പർ 06076 നാഗർകോവിൽ – തിരുവനന്തപുരം സെൻട്രൽ സ്‌പെഷ്യൽ, പുലർച്ചെ 01:40 ന് നാഗർകോവിലിൽ നിന്ന് പുറപ്പെട്ട് 03:30 ന് തിരുവനന്തപുരം സെൻട്രലിൽ എത്തിച്ചേരും. നാഗർകോവിൽ ടൗൺ (01:52) വിരാനി ആളൂർ (02:00 ), ഇരണിയൽ (02:08), കുഴിത്തുറ (02:24), കുഴിത്തുറ വെസ്റ്റ് (02.28), പാറശ്ശാല (02:34), ധനുവച്ചപുരം (02:41),നെയ്യാറ്റിൻകര (02.49)ബാലരാമപുരം (02.55)
2. ട്രെയിൻ നമ്പർ 06077എറണാകുളം ജങ്ഷൻ – തിരുവനന്തപുരം സെൻട്രൽ അൺറിസർവ്ഡ് സ്‌പെഷ്യൽ. പുലർച്ചെ 01:30 ന് എറണാകുളത്ത് നിന്ന് പുറപ്പെട്ട് 06:30 ന് തിരുവനന്തപുരം സെൻട്രലിൽ എത്തിച്ചേരും.
തൃപ്പൂണിത്തുറ (01.43), മുളന്തുരുത്തി (01:51), പിറവം റോഡ് (02:02), വൈക്കം റോഡ് (02:03), ഏറ്റുമാനൂർ (02.24), കുമാരനല്ലൂർ (02.31), കോട്ടയം (02:37), ചങ്ങനാശേരി (02.54), ചെങ്ങന്നൂർ (03:12), ചെറിയനാട് (03.17), മാവേലിക്കര(03.23), കായംകുളം ജംഗ്ഷൻ.(03:32), ഓച്ചിറ(03.42), കരുനാഗപ്പള്ളി(03.51), ശാസ്താംകോട്ട (04.01), മൺറോത്തുരുത്ത് (04.07), പെരിനാട് (04.14), കൊല്ലം ജംഗ്ഷൻ (04:26),മയ്യനാട് (04:38),പരവൂർ(04.43), വർക്കല ശിവഗിരി (04:54), കടയ്ക്കാവൂർ(05.05), ചിറയിൻകീഴ് (05.10), മുരുക്കുംപുഴ (05.20), കണിയാപുരം (05.25), കഴക്കൂട്ടം(05.31) പേട്ട (05.45).
മടക്ക ട്രെയിൻ, ട്രെയിൻ നമ്പർ 06078 തിരുവനന്തപുരം സെൻട്രൽ-എറണാകുളം ജംഗ്ഷൻ സ്‌പെഷ്യൽ, 14:15 മണിക്ക് തിരുവനന്തപുരം സെൻട്രലിൽ നിന്ന് പുറപ്പെട്ട് 19:40 മണിക്ക് എറണാകുളത്ത് എത്തിച്ചേരും.
കഴക്കൂട്ടം (14:34), കണിയാപുരം (14.39), മുരുക്കുംപുഴ (14.45), ചിറയിൻകീഴ് (14.54) കടയ്ക്കാവൂർ (14.58), വർക്കല ശിവഗിരി (15:10), പരവൂർ (15.22), മയ്യനാട് (15.26 ), കൊല്ലം(15:36) , പെരിനാട് (15.5), മൺറോത്തുരുത്ത് (15.56), ശാസ്താംകോട്ട (16.03), കരുനാഗപ്പള്ളി (16.14), ഓച്ചിറ (16.24), കായംകുളം (16:25), ചെങ്ങന്നൂർ (17:11), തിരുവല്ല (17.22), ചങ്ങനാശേരി (17.33), കോട്ടയം (17:55), കുമാരനല്ലൂർ(18.02), ഏറ്റുമാനൂർ (18.09), വൈക്കം റോഡ് (18:24), പിറവം റോഡ് (18.32), മുളന്തുരുത്തി (18.44), തൃപ്പൂണിത്തുറ (18.55).
13നുള്ള സർവീസിൽ അനുവദിച്ചിട്ടുള്ള അധിക സ്റ്റോപ്പുകൾ ( ട്രെയിൻ, താത്കാലിക സ്റ്റോപ്പ്, സമയം എന്നീ ക്രമത്തിൽ)
1.ട്രെയിൻ നമ്പർ 20631 മംഗളൂരു സെൻട്രൽ – തിരുവനന്തപുരം സെൻട്രൽ വന്ദേ ഭാരത് എക്സ്പ്രസ്, തിരുവനന്തപുരം നോർത്ത് റെയിൽവേ സ്റ്റേഷൻ (14.24)
2. ട്രെയിൻ നമ്പർ 20632 തിരുവനന്തപുരം സെൻട്രൽ – മംഗളൂരു സെൻട്രൽ വന്ദേ ഭാരത് എക്സ്പ്രസ് തിരുവനന്തപുരം നോർത്ത് റെയിൽവേ സ്റ്റേഷൻ (16.13)
3. ട്രെയിൻ നമ്പർ 12081 കണ്ണൂർ – തിരുവനന്തപുരം സെൻട്രൽ ജനശതാബ്ദി എക്സ്പ്രസ്, തിരുവനന്തപുരം പേട്ട സ്റ്റേഷൻ (13.20)
4. ട്രെയിൻ നമ്പർ 16525 കന്യാകുമാരി – കെഎസ്ആർ ബെംഗളൂരു ഐലൻഡ് എക്സ്പ്രസ്, തിരുവനന്തപുരം പേട്ട റെയിൽവേ സ്റ്റേഷൻ (13.50)
5. ട്രെയിൻ നമ്പർ 06077 എറണാകുളം- തിരുവനന്തപുരം സെൻട്രൽ സ്‌പെഷ്യൽ, തൃപ്പൂണിത്തുറ സ്റ്റേഷൻ (01.43)
6. ട്രെയിൻ നമ്പർ 06078 തിരുവനന്തപുരം സെൻട്രൽ – എറണാകുളം ജംഗ്ഷൻ,തൃപ്പൂണിത്തുറ(18.55)
7. ട്രെയിൻ നമ്പർ 56706 കന്യാകുമാരി – പുനലൂർ പാസഞ്ചർ ചിറയിൻകീഴ് (18:02), കടക്കാവൂർ (18:06), മയ്യനാട് (18:32).
8. ട്രെയിൻ നമ്പർ 12624 തിരുവനന്തപുരം സെൻട്രൽ – എംജിആർ ചെന്നൈ സെൻട്രൽ സൂപ്പർഫാസ്റ്റ് എക്സ്പ്രസ് , കഴക്കൂട്ടം (15:14 ), ചിറയിൻകീഴ് (15:26), കടക്കാവൂർ (15:31)
9. ട്രെയിൻ നമ്പർ 12696 തിരുവനന്തപുരം സെൻട്രൽ – എംജിആർ ചെന്നൈ സെൻട്രൽ സൂപ്പർഫാസ്റ്റ് എക്സ്പ്രസ് ,കഴക്കൂട്ടം (17:29), ചിറയിൻകീഴ് (17:41), കടക്കാവൂർ (17:46)
10. ട്രെയിൻ നമ്പർ 16348 മംഗളൂരു സെൻട്രൽ – തിരുവനന്തപുരം സെൻട്രൽ എക്സ്പ്രസ് കടക്കാവൂർ(03:03).
11. ട്രെയിൻ നമ്പർ 16650 നാഗർകോവിൽ ജംഗ്ഷൻ – മംഗലാപുരം സെൻട്രൽ പരശുറാം എക്സ്പ്രസ്, ബാലരാമപുരം (05:21), തിരുവനന്തപുരം സൗത്ത് (05:34)
13. ട്രെയിൻ നമ്പർ 20636 കൊല്ലം-ചെന്നൈ എഗ്‌മോർ എക്സ്പ്രസ് ,തിരുവനന്തപുരം സൗത്ത് (16:15), ബാലരാമപുരം (16:24), ധനുവച്ചപുരം (1:30). പള്ളിയാടി (16:58)
14.ട്രെയിൻ നമ്പർ 22641 തിരുവനന്തപുരം സെൻട്രൽ – ഷാലിമാർ സൂപ്പർഫാസ്റ്റ് എക്സ്പ്രസ്,മാരാരിക്കുളം (20:06), തുറവൂർ (20:24)
15. ട്രെയിൻ നമ്പർ 16629 തിരുവനന്തപുരം സെൻട്രൽ – മംഗളൂരു സെൻട്രൽ മലബാർ എക്സ്പ്രസ്, മയ്യനാട് (19:47)