വാഹനാപകടത്തിൽ പരുക്കേറ്റ് ചികിത്സയിലായിരുന്ന വീട്ടമ്മ മരണപ്പെട്ടു .കോട്ടയം ചങ്ങനാശേരി കുരിശുംമൂട് മഠത്തിച്ചിറ കോട്ടയം എആർ ക്യാംപ് ഡോഗ് സ്ക്വാഡ് എസ്ഐയായ ടി.എം. ആന്റണിയുടെ ഭാര്യ ബ്രീന വർഗീസ് (45) ആണ് മരണപ്പെട്ടത് .
സ്‌കൂട്ടറിൽ പള്ളിയിലേക്ക് പോകുന്നതിനിടെ കൂരിശൂമൂടിനു സമീപം പാൽ കയറ്റി വന്ന വാൻ നിയന്ത്രണം വിട്ട് ബ്രീനയുടെ മുകളിലേക്കാണ് മറിഞ്ഞു വീണത്‌ . നാട്ടുകാരും പോലീസും ചേർന്ന് വാൻ ഉയർത്തിയാണ് ബ്രീനയെ പുറത്തെടുത്തത്. സ്വകാര്യ ആശുപത്രിയിൽ ചികിത്സയിലിരിക്കെയാണ് മരണം സംഭവിച്ചത് .ആധാരം എഴുത്ത് ഓഫീസിലെ ജീവനക്കാരിയായിരുന്നു.
മക്കൾ: അഡോൺ ആന്റണി, ആഗ്നസ് ആന്റണി. സംസ്ക്കാരം പിന്നീട്.