രക്ഷിതാക്കളും മുന്‍കൈ എടുക്കണം : ജില്ലാ കലക്ടര്‍
ഭിന്നശേഷിക്കാരായ കുട്ടികളുടെ കഴിവുകളെ കണ്ടെത്തി പരിപോഷിപ്പിച്ച് അവരെ സമൂഹത്തിന്റെ മുഖ്യധാരയില്‍ നിലനിര്‍ത്തുന്നതിന് രക്ഷിതാക്കളും മുന്‍കൈയെടുക്കണമെന്ന് ജില്ലാ കലക്ടര്‍ എസ്. പ്രേം കൃഷണന്‍. ജില്ലാ പഞ്ചായത്തും ജില്ലാ ഭരണകൂടവും സാമൂഹികനീതി വകുപ്പും സംയുക്തമായി സംഘടിപ്പിക്കുന്ന ഭിന്നശേഷി ദിനാഘോഷത്തിന്റെ ഭാഗമായുള്ള കലാകായിക മേള ‘ഉണര്‍വ് 2024’ ഓമല്ലൂര്‍ ദര്‍ശന ഓഡിറ്റോറിയത്തില്‍ ഉദ്ഘാടനം ചെയ്യുകയായിരുന്നു.
യുവജനങ്ങളുടെ കലാ – കായിക സര്‍ഗവാസനകള്‍ക്ക് ചിറക് വിടര്‍ത്താന്‍
യുവജനങ്ങളുടെ കലാ-കായിക സര്‍ഗവാസനകള്‍ക്ക് ചിറക് വിടര്‍ത്താന്‍ കേരളോത്സവം വഴിതെളിക്കുന്നുവെന്ന് ഡെപ്യൂട്ടി സ്പീക്കര്‍ ചിറ്റയം ഗോപകുമാര്‍. പള്ളിക്കല്‍ പഞ്ചായത്ത് കേരളോത്സവം സമാപനസമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
എയ്ഡ്‌സ്ദിനാചരണം ജില്ലാതല ഉദ്ഘാടനവും ബോധവല്‍ക്കരണറാലിയും സംഘടിപ്പിച്ചു
ലോക എയ്ഡ്‌സ് ദിനാചരണത്തിന്റെ ജില്ലാതല ഉദ്ഘാടനം ഇലന്തൂര്‍ ഗ്രാമപഞ്ചായത്ത് കമ്മ്യൂണിറ്റി ഹാളില്‍ ഇലന്തൂര്‍ ബ്ലോക്ക് പഞ്ചായത്ത് പ്രസിഡന്റ് ജെ. ഇന്ദിരാദേവി നിര്‍വഹിച്ചു. ജില്ലാ മെഡിക്കല്‍ ഓഫീസ്(ആരോഗ്യം), ആരോഗ്യ കേരളം പത്തനംതിട്ട, ജില്ലാ എയ്ഡ്‌സ് കണ്‍ട്രോള്‍ സൊസൈറ്റി എന്നിവയുടെ സംയുക്താഭിമുഖ്യത്തിലാണ് പരിപാടി സംഘടിപ്പിച്ചത്.
തൊഴില്‍ മേള
ജില്ലാ എംപ്ലോയ്‌മെന്റ് എക്‌സചേഞ്ചും സെന്റ് തോമസ് കോളജ് കോഴഞ്ചേരിയും സംയുക്തമായി കോളജില്‍ തൊഴില്‍ മേള സംഘടിപ്പിച്ചു. ഇലന്തൂര്‍ ബ്ലോക്ക് പഞ്ചായത്ത് പ്രസിഡന്റ് ജെ. ഇന്ദിരാദേവി അധ്യക്ഷയായി. ജില്ലാ പഞ്ചായത്ത് പ്രസിഡന്റ് രാജി പി.രാജപ്പന്‍ ഉദ്ഘാടനം നിര്‍വഹിച്ചു. കോളജ് പ്രിന്‍സിപ്പല്‍ ഡോ. ജോര്‍ജ്. കെ. അലക്‌സ് , ജില്ലാ എംപ്ലോയ്‌മെന്റ് ഓഫീസര്‍ ജി.രാജീവ്, കോഴഞ്ചേരി ഗ്രാമപഞ്ചായത്ത് പ്രസിഡന്റ് റോയ് ഫിലിപ്പ് , വാര്‍ഡ് മെമ്പര്‍ ബിജോ പി മാത്യു, കോളജ് പ്ലെയ്‌സ്‌മെന്റ് ഓഫീസര്‍ തോമസ് മാത്യു, എംപ്ലോയ്‌മെന്റ് ഓഫീസര്‍ ജെ.എഫ്. സലിം എന്നിവര്‍ പങ്കെടുത്തു.
അദാലത്ത്
കുടിശികയായ അളവുതൂക്ക ഉപകരണങ്ങള്‍ ഒറ്റത്തവണ തീര്‍പ്പാക്കല്‍ പദ്ധതി പ്രകാരം മുദ്ര പതിപ്പിച്ചു നല്‍കാന്‍ ലീഗല്‍ മെട്രോളജി വകുപ്പിന്റെ അദാലത്ത.് മുദ്ര പതിപ്പിക്കാന്‍ കഴിയാതെ വന്ന അളവുതൂക്ക ഉപകരണങ്ങളുടെ കുടിശിക അടച്ച് ഉപകരണങ്ങള്‍ മുദ്രചെയ്യാം.
കോന്നിതാലൂക്ക്: 04682341213.
സംരംഭകത്വ റെസിഡെന്‍ഷ്യല്‍ വര്‍ക്ഷോപ്പ്
കളമശ്ശേരിയിലുള്ള കേരള ഇന്‍സ്റ്റിറ്റ്യൂട്ട് ഫോര്‍ എന്റര്‍പ്രണര്‍ഷിപ്പ് ഡവലപ്‌മെന്റ് (കീഡ് ) ഡിസംബര്‍ അഞ്ചു മുതല്‍ 13 വരെ വര്‍ക്ഷോപ്പ് സംഘടിപ്പിക്കുന്നു. http://kied.info/training-
അപേക്ഷ ക്ഷണിച്ചു
എസ്ആര്‍സി കമ്മ്യൂണിറ്റി കോളജ് യോഗ അസോസിയേഷന്‍ ഓഫ് കേരളയുടെ സഹകരണത്തോടെ നടത്തുന്ന ഡിപ്ലോമ ഇന്‍ യോഗ ടീച്ചര്‍ ട്രെയിനിംഗ് പ്രോഗ്രാമിലേക്ക് ലാറ്ററല്‍ എന്‍ട്രിയായി അപേക്ഷ ക്ഷണിച്ചു. യോഗ്യത പ്ലസ് ടു. പ്രായപരിധി 18 വയസിന് മുകളില്‍. അവസാന തീയതി ഡിസംബര്‍ 31. ഫോണ്‍: 0471 2325101, 8281114464.
യോഗപരിശീലകരാകാം
റാന്നി ബ്‌ളോക്ക് പഞ്ചായത്തില്‍ വയോജനങ്ങള്‍ക്കുള്ള യോഗപരിശീലന പരിപാടിയിലേക്ക് പരിശീലകരെ നിയമിക്കും. അംഗീകൃത സര്‍വകാലശാലയില്‍ നിന്നുളള ബിഎന്‍വൈഎസ് ബിരുദം/ തതുല്യ യോഗ്യത, യോഗ അസോസിയേഷന്‍ /സ്‌പോര്‍ട്‌സ് കൗണ്‍സില്‍ നിന്നുളള യോഗ ട്രെയിനര്‍ സര്‍ട്ടിഫിക്കറ്റ് ഉളളവര്‍ക്ക് അപേക്ഷിക്കാം. ഒഴിവ് : നാല്. അവസാന തീയതി ഡിസംബര്‍ 24. അപേക്ഷയും യോഗ്യത സര്‍ട്ടിഫിക്കറ്റിന്റെ പകര്‍പ്പും സഹിതം ചൈല്‍ഡ് ഡവലപ്‌മെന്റ് പ്രൊജക്ട് ഓഫീസര്‍, ഐസിഡിഎസ് പ്രൊജക്ട് ഓഫീസ്, ശബരിമല ഇടത്താവളത്തിന് സമീപം, മഠത്തുംമൂഴി , റാന്നി- പെരുനാട്-689711 വിലാസത്തില്‍ അപേക്ഷിക്കണം.
അഭിമുഖം
പളളിക്കല്‍ ഗ്രാമപഞ്ചായത്തില്‍ അക്കൗണ്ടന്റ് കം ഐടി അസിസ്റ്റന്റ് ഒഴിവിലേക്ക് കരാര്‍ അടിസ്ഥാനത്തില്‍ നിയമിക്കുന്നതിനുളള അഭിമുഖം ഡിസംബര്‍ അഞ്ചിന് രാവിലെ 10 ന് പഞ്ചായത്ത് ഓഫീസില്‍ നടക്കും. ബികോമും പിജിഡിസിഎ യോഗ്യതയുളള ഉദ്യോഗാര്‍ഥികള്‍ അസല്‍ രേഖകളുമായി ഹാജരാകണം. ഫോണ്‍ : 04734 288621.
ശാരീരിക അളവെടുപ്പും കായികക്ഷമതാ പരീക്ഷയും
ജില്ലയിലെ എക്‌സൈസ് വകുപ്പില്‍ സിവില്‍ എക്‌സൈസ് ഓഫീസര്‍ (കാറ്റഗറി നം.307/2023) തസ്തികയുടെ ചുരുക്കപ്പട്ടികയില്‍ ഉള്‍പ്പെട്ട ഉദ്യോഗാര്‍ഥികള്‍ക്കുളള ശാരീരിക അളവെടുപ്പും കായികക്ഷമതാ പരീക്ഷയും കോട്ടയം പൊലീസ് പരേഡ് ഗ്രൗണ്ടില്‍ ഡിസംബര്‍ അഞ്ച്, ആറ് തീയതികളില്‍ രാവിലെ 5.30 മുതല്‍ നടത്തും. ഫോണ്‍ : 0468 2222665.
ക്വട്ടേഷന്‍
പത്തനംതിട്ട സബ് കോടതിയിലെ 2018 മുതല്‍ 2022 വരെയുളള ജേര്‍ണലുകള്‍ ബയന്റിംഗ് ചെയ്തു നല്‍കാന്‍ വ്യക്തികളില്‍ നിന്ന് ക്വട്ടേഷന്‍ ക്ഷണിച്ചു. അവസാന തീയതി 2025 ജനുവരി ഒന്ന്. ഫോണ്‍ : 0468 2271734.
ചുരുക്കപട്ടിക
വനം വന്യ ജീവി വകുപ്പില്‍ ഫോറസ്റ്റ് ഡ്രൈവര്‍ (കാറ്റഗറി നമ്പര്‍ 111/2022), ഫോറസ്റ്റ് ഡ്രൈവര്‍ എന്‍സിഎ എം (702/2021), എന്‍സിഎ എല്‍സി/എഐ (703/2021), എന്‍സിഎ ഒബിസി (704/2021) എന്നീ തസ്തികകളുടെ ചുരുക്കപ്പട്ടിക നിലവില്‍ വന്നതായി ജില്ലാ പിഎസ്‌സി ഓഫീസര്‍ അറിയിച്ചു. ഫോണ്‍ : 0468 2222665.
ഇ-ദര്‍ഘാസ്
ജില്ലാ മണ്ണ് സംരക്ഷണ ഓഫീസ് മുഖേന ജില്ലാപഞ്ചായത്ത് നടപ്പാക്കുന്ന മണ്ണ് സംരക്ഷണ പദ്ധതിക്ക് ഇ-ദര്‍ഘാസ് ക്ഷണിച്ചു. ഫോണ്‍ : 0468 2224070, വെബ് സൈറ്റ് : www.etenders.kerala.gov.in