konnivartha.com: എം ഡി എം എ എന്ന അതിമാരക മയക്കു മരുന്നുമായി പിടിയിലായ 8 പേരും പത്തനംതിട്ട ജില്ലയിലെ വിവിധ പ്രദേശങ്ങളില്‍ ഉള്ളവര്‍ . എറണാകുളം നോര്‍ത്ത് പോലീസ് ആണ് ഇവരെ പിടികൂടിയത് .
കോന്നി പയ്യനാമണ്ണ് അടുകാട് നിവാസി ബിച്ചു ( 26 ) കോന്നി നിവാസി മനു ( 21) കോന്നി അരുവാപ്പുലം നിവാസി ബാലു ( 28 ) തണ്ണിതോട് നിവാസി അഖില്‍ കുമാര്‍ ( 20) കൂടല്‍ കുളത്ത് മണ്ണ് നിവാസി ആരോമല്‍ ( 20 ) പന്തളം നിവാസി അജിത്ത് ( 23) മാമൂട് നിവാസി അശ്വിന്‍ ( 22) മുടിയൂര്‍ക്കോണം നിവാസി വിഷ്ണു ( 23) എന്നിവരാണ് പിടിയിലായത് . എറണാകുളം നോര്‍ത്ത് ശാസ്താ ക്ഷേത്ര റോഡില്‍ ഉള്ള ലോഡ്ജില്‍ നിന്നുമാണ് പ്രതികള്‍ പിടിയിലായത് . ഒരു മാസമായി ഇവര്‍ ബങ്ങലുരു നിന്നും എം ഡി എം എ എത്തിച്ചു കച്ചവടം നടത്തുന്നതായി പോലീസിനു വിവരം ലഭിച്ചത് .
രഹസ്യ അന്വേഷണത്തിന് ഒടുവില്‍ പന്ത്രണ്ടു ഗ്രാം മയക്ക് മരുന്ന് പോലീസ് പിടിച്ചെടുത്തു . വില്‍പ്പനയ്ക്ക് എത്തിച്ചത് എന്നാണു പോലീസ് പറയുന്നത് .ഇവര്‍ എല്ലാവരും കൊച്ചിയില്‍ വിവിധ സ്ഥാപങ്ങളില്‍ ജോലി ചെയ്യുന്നവര്‍ ആണ് എന്ന് പോലീസ് പറയുന്നു . കൊച്ചി സിറ്റി പോലീസ് കമ്മീഷണര്‍ കെ സേതുരാമന് ലഭിച്ച രഹസ്യ വിവരത്തിന്‍റെ അടിസ്ഥാനത്തില്‍ എറണാകുളം നോര്‍ത്ത് പോലീസ് ആണ് പ്രതികളെ അറസ്റ്റ് ചെയ്തത്
