konnivartha.com : വകയാര്‍ സെന്റ് തോമസ് സ്കൂളിന് മുന്നില്‍ റോഡ്‌ തകര്‍ന്നു കുഴിയായികിടന്നത് പാറമക്ക് ഇറക്കി താല്‍കാലികമായി കുഴികള്‍ അടച്ചു . വെള്ളം നിറഞ്ഞു ചെളിയായത്തോടെ യാത്രാ ദുരിതം എന്ന് പരാതി ഉയര്‍ന്നതിന്‍റെ അടിസ്ഥാനത്തിലാണ് കുഴികള്‍ താല്‍ക്കാലികമായി അടച്ചത് .
പിഡബ്ല്യുഡി റോഡാണ് ഇത് . റോഡ്‌ അറ്റകുറ്റപണികള്‍ മുന്‍പ് നടത്തി എങ്കിലും കാര്യക്ഷമമായില്ല .ഇതിനാല്‍ പല സ്ഥലത്തും കുഴിയുണ്ടായി യാത്രാ ദുരന്തമായിരുന്നു .പതിമൂന്നാം വാര്‍ഡ്‌ അംഗം അനി സാബുവിന്‍റെ കൃത്യമായ ഇടപെടലുകള്‍ മൂലം താല്‍ക്കാലികമായി കുഴി നികത്തി . ഈ റോഡ്‌ ടാറിംഗ് പൂര്‍ണ്ണമായും നടത്തണം എന്നാണ് ആവശ്യം .
സ്കൂളിന് മുന്നില്‍ ഉള്ള കുഴി ഏറെ അപകടം ക്ഷണിച്ചു വരുത്തിയിരുന്നു . കുഴിയറിയാത്തതിനാല്‍ രണ്ടു വാഹനം അപകടത്തില്‍പ്പെട്ടു .