കോന്നി വാര്‍ത്ത : കൊക്കാത്തോട് എസ് എന്‍ ഡി പി ക്കു സമീപം മനയത്ത് രമേശന്‍റെ വീടിന് സമീപത്ത് നിന്ന വലിയ തേക്ക് മരം പിഴുത് വീണു . ആളപായം ഇല്ല എങ്കിലും പ്രദേശത്ത് വ്യാപക നാശനഷ്ടം ഉണ്ടായി .
ഇവരുടെ തന്നെ പറമ്പില്‍ നിന്ന തേക്ക് മരമാണ് പിഴുത് വീണത് . മരം നിന്ന പ്രദേശത്തെ വലിയ നിലയില്‍ മണ്ണ് ഇടിഞ്ഞു . ഈ മണ്ണ് ഇവരുടെ വീടിന് പുറകില്‍ കുന്നു കൂടി . സമീപത്തെ ട്രാന്‍സ്ഫോര്‍മറിനും കേട് പാടുകള്‍ ഉണ്ട് . 7 പോസ്റ്റ് ഒടിഞ്ഞിട്ടുണ്ട്. മരം മുറിച്ച് മാറ്റണം എന്നു വീട്ടുകാര്‍ നേരത്തെ വന പാലകരോട് ആവശ്യപ്പെട്ടിരുന്നു .മരം ഒടിയില്ലെന്ന് വന പാലകര്‍ പറഞ്ഞതായി നാട്ടുകാര്‍ പറയുന്നു .