കോന്നി വാര്‍ത്ത ഡോട്ട് കോം : പത്തനംതിട്ട ജില്ലയില്‍ കോവിഡ് രോഗികളുടെ എണ്ണം വര്‍ധിച്ചു വരുന്ന സാഹചര്യത്തില്‍ തദ്ദേശ സ്വയംഭരണ സ്ഥാപനങ്ങളിലെ ജാഗ്രതാ സമിതികള്‍ കൂടുതല്‍ ജാഗ്രത പുലര്‍ത്തണമെന്ന് ജില്ലാ കളക്ടര്‍ ഡോ. ദിവ്യ എസ്. അയ്യര്‍ പറഞ്ഞു. കളക്ടറേറ്റില്‍ ചേര്‍ന്ന ജില്ലാ ദുരന്ത നിവാരണ അതോറിറ്റി യോഗത്തില്‍ സംസാരിക്കുകയായിരുന്നു കളക്ടര്‍.
കണ്ടെയ്ന്‍മെന്റ് സോണുകളിലെ നിയന്ത്രണങ്ങള്‍ കര്‍ശനമാക്കണം. സ്വകാര്യ ആശുപത്രികള്‍ ഉള്‍പ്പെടെയുള്ളവ വരും ദിവസങ്ങളില്‍ സജ്ജമായിരിക്കണം. കോളനികളില്‍ രോഗികളുടെ എണ്ണം വര്‍ധിച്ചു വരുന്നുണ്ട്. ഇവ നിയന്ത്രിച്ചാല്‍ മാത്രമേ വ്യാപന തോത് കുറയ്ക്കാന്‍ സാധിക്കുള്ളൂവെന്നും കളക്ടര്‍ പറഞ്ഞു.
ഡിഎംഒ (ആരോഗ്യം) ഡോ. എ.എല്‍. ഷീജ, ദുരന്ത നിവാരണ വിഭാഗം ഡെപ്യൂട്ടി കളക്ടര്‍ ടി.ജി. ഗോപകുമാര്‍, എന്‍എച്ച്എം ഡിപിഎം ഡോ. സി.എസ് നന്ദിനി തുടങ്ങിയവര്‍ പങ്കെടുത്തു.