കോന്നി വാര്‍ത്ത ഡോട്ട് കോം : അച്ഛനൊപ്പം വനം വകുപ്പിന്‍റെ പാമ്പ് പിടുത്ത പരിശീലനം കാണാനെത്തിയ പത്തൊന്‍പത്കാരി പാമ്പുകളെ പിടിയ്ക്കാനുള്ള ലൈസൻസ് നേടി. അടൂർ മണക്കാല ആലുവിള പുത്തൻവീട്ടിൽ വി.ടി. ചാർളിയെന്ന പൊതുപ്രവർത്തകൻ ചെറുപ്രായം മുതൽ പാമ്പുകളെ പിടികൂടുമായിരുന്നു. പത്തനംതിട്ട കാതോലിക്കേറ്റ് കോളേജിലെ മൂന്നാം വർഷ ബി.എ.മലയാളം വിദ്യാർത്ഥിനിയായ മകള്‍ ആഷ്ലി ചാർളി അച്ഛൻ പാമ്പിനെ പിടികൂടാൻ പോകുമ്പോൾ ഇത് കാണാനായി ഒപ്പം കൂടി .മൂർഖൻ, അണലി . ശംഖ വരയൻ, ചുരുട്ട ഉൾപ്പടെ നിരവധി വിഷപാമ്പുകളെ അച്ഛൻ പിടികൂടുന്നത് കണ്ട് തെല്ല് ഭയമുണ്ടായിരുന്നെങ്കിലും പേടി പിന്നീട് മാറി .
അങ്ങനെയിരിക്കെയാണ് സാമൂഹ്യ വനവത്കരണ വിഭാഗം ജില്ലയുടെ വിവിധ ഭാഗങ്ങളിൽ പാമ്പുകളെ പിടിക്കുന്നവർക്ക് ലൈസൻസ് നിർബന്ധമാക്കിയത്.ഇതിനായി ഇവർക്ക് പരിശീലനം നല്‍കാനും വനപാലകർക്ക് മുന്നിൽ വച്ച് പാമ്പുകളെ പിടികൂടുന്നവർക്ക് ലൈസൻസ് നല്‍കാന്‍ വനം വകുപ്പ് തീരുമാനിച്ചു.ഇതിന്‍റെ ഭാഗമായി കോന്നി ആനത്താവളത്തിൽ വച്ച് നടക്കുന്ന പരിശീലനത്തിൽ പങ്കെടുക്കാൻ പുറപ്പെട്ട ചാർളിയ്ക്കൊപ്പം പരിശീലനം കാണാൻ മകൾ ആഷ്ലി ചാർളിയും ഒപ്പം കൂടി .
കോന്നി ആനത്താവളത്തിൽ പരിശീലനത്തിനെത്തിയ ഇരുപത് പേർക്കൊപ്പം ആഷ്ലിയും കൂടിയതോടെ പാമ്പ് പിടുത്ത പരിശീലനത്തിൽ പങ്കെടുക്കുന്ന ആദ്യ പെൺകുട്ടിയായി. രാവിലെ തുടങ്ങിയ പാമ്പിനെ പരിചയപ്പെടുത്തൽ, പാമ്പുകളുടെ വിഷത്തേ സംബന്ധിച്ച്, പാമ്പിനെ പിടികൂടുന്ന വിധം തുടങ്ങി നിരവധി ക്ലാസ്സുകൾക്ക് ശേഷം വൈകിട്ടോടെ പരിശീലനത്തിൽ പങ്കെടുത്തവർ പാമ്പിനെ പിടികൂടുന്ന അവസാന സെക്ഷനിൽ ഉന്നത വനം വകുപ്പ് ഉദ്യോഗസ്ഥരുടെ സാന്നിധ്യത്തിൽ അച്ഛനൊപ്പം പരിശീലനം കാണാൻ പുറപ്പെട്ട് പിന്നീട് ക്ലാസ്സിൽ പങ്കെടുത്ത ഈ കൊച്ചു മിടുക്കി കോന്നി ഡി എഫ് ഒ ശ്യാം മോഹന്‍ലാലിന്‍റെ കയ്യില്‍ നിന്നും ലൈസന്‍സ്സും വാങ്ങിയാണ് മടങ്ങിയത് .
മനോജ് പുളിവേലില്‍ ,ചീഫ് റിപ്പോര്‍ട്ടര്‍ @കോന്നി വാര്‍ത്ത ഡോട്ട് കോം