വാര്‍ഡിനെ അറിയാം നാട്ടുകാര്‍ക്ക് തന്നെയും അറിയാം
അരുവാപ്പുലം പുളിഞ്ചാണി വാര്‍ഡിലെ യു ഡി എഫ് സാരഥിപറയുന്നു
അരുവാപ്പുലം ഗ്രാമത്തിലെ പഞ്ചായത്തിനോടു അടുത്തുള്ള പന്ത്രണ്ടാം വാര്‍ഡ്
പുളിഞ്ചാണി. ഈ ഗ്രാമത്തിലെ യു ഡി എഫ് സ്ഥാനാര്‍ഥിയാണ് ഷീബ രാജന്‍ . 11
വര്‍ഷമായി ആരോഗ്യ പ്രവര്‍ത്തനങ്ങളുമായി ഗ്രാമത്തില്‍ അങ്ങോളം ഇങ്ങോളം നിറ
സാന്നിധ്യമാണ് .
ഈ വാര്‍ഡിലെയും പ്രധാന വിഷയം കുടിവെള്ള ക്ഷാമംതന്നെയാണ് . അതിനു നല്ലൊരു
പരിഹാര മാര്‍ഗമാണ് ഷീബയുടെയും ചിന്ത . പാവങ്ങളായ ആളുകള്‍ തിങ്ങി പാര്‍ക്കുന്ന
ഈ വാര്‍ഡിലെ അടിസ്ഥാന വിഷയങ്ങള്‍ ചോദിച്ചറിഞ്ഞു കൊണ്ടാണ് ഓരോ ദിവസവും
വോട്ട് അഭ്യര്‍ഥിക്കുന്നത് . കോവിഡ് മാനദണ്ഡം പൂര്‍ണ്ണമായും പാലിച്ച് കൊണ്ട്
ജനങ്ങളുമായി നേരിട്ടു കാര്യങ്ങള്‍ ചോദിച്ചറിയുന്ന പ്രവര്‍ത്തന രീതിയാണ് ഷീബയുടേത് .
ഈ ഗ്രാമത്തില്‍ ഒരു പൊതു ശ്മശാനം വേണം എന്നാണ് ഏറെക്കുറെ ജനങ്ങളുടെ ആവശ്യം
.രണ്ടും മൂന്നും സെന്‍റ് സ്ഥലത്തു ജീവിക്കുന്നവരുടെ വര്‍ഷങ്ങളായുള്ള ആവശ്യവും ഇതാണ്.
ചെണ്ടയാണ് തന്‍റെ അടയാളമെന്ന് ഷീബ ഓര്‍മ്മപ്പെടുത്തുന്നു .ജനതയുടെ ആവശ്യങ്ങള്‍
നിറവേറ്റുക എന്നതാണു മുദ്രാവാക്യമെന്ന് ഷീബ പറയുന്നു .
ആര് ഭരിച്ചാലും ജനങ്ങള്‍ക്ക് അര്‍ഹതപ്പെട്ട കാര്യങ്ങള്‍ ലഭിക്കണം . റോഡ് സഞ്ചാര
യോഗ്യമാകണം , കുടിവെള്ള ക്ഷാമം പരിഹരിക്കണം ,പൊതു ശ്മശാനം എന്ന
ആവശ്യവും നിറവേറണം എന്നു ഷീബ അടിവരയിട്ട് പറയുന്നു