കോന്നി വാര്‍ത്ത ഡോട്ട് കോം : കാട്ടുപന്നി മൂലം കൃഷിനാശം സംഭവിച്ച കര്‍ഷകര്‍ പ്രതിക്ഷേധ സൂചകമായി ബോര്‍ഡ് സ്ഥാപിച്ചു . കാട്ടുപന്നി ശല്യത്തിന് പരിഹാരം കാണാത്ത ആരും വോട്ടിന് വേണ്ടി ഈ പടി കയറരുത് എന്നാണ് ബോര്‍ഡിലെ സന്ദേശം . റാന്നി ഭാഗത്താണ് ഈ ബോര്‍ഡ് വെച്ചത് .
കോന്നി റാന്നി മേഖലകളില്‍ കാട്ടുപന്നി ശല്യം രൂക്ഷമായി . കാര്‍ഷിക വിളകള്‍ സംരക്ഷിക്കുവാന്‍ ഉള്ള ഒരു മാര്‍ഗവും ഫലം കാണുന്നില്ല . ശല്യക്കാരായ കാട്ടുപന്നികളെ കൃഷിയിടത്തി വെച്ചു തന്നെ വെടിവെച്ചു കൊല്ലുവാന്‍ ഉള്ള ഉത്തരവ് ഉണ്ടെങ്കിലും നാട്ടിലെ തോക്ക് ലൈസന്‍സ്സുള്ള ആളുകളെ തേടി പിടിച്ച് എത്തിക്കുമ്പോള്‍ കൃഷി പൂര്‍ണ്ണമായും കാട്ടുപന്നി തിന്നിട്ടു സ്ഥലം കാലിയാക്കി പോകും . വിഷം വെച്ചു കാട്ടുപന്നികളെ കൊല്ലുവാന്‍ ഉള്ള നിയമം ആണ് വേണ്ടത് . ഇറച്ചിയിലോ മറ്റോ വിഷം വെച്ചാല്‍ ശല്യക്കാരായ കാട്ടുപന്നി ഇത് തിന്നു ചാകും . ഇത്തരം ഒരു ഉത്തരവ് ആണ് ഉണ്ടാകേണ്ടത് .
കാട്ടുപന്നി കൃഷി നശിപ്പിച്ചാല്‍ കിട്ടുന്ന നഷ്ടപരിഹാരം തുച്ഛമാണ് . കാട്ടുപന്നി കുത്തി പരിക്ക് പറ്റിയ നിരവധി ആളുകള്‍ക്ക് വനം വകുപ്പ് ഇനിയും നഷ്ടപരിഹാരം നല്‍കിയിട്ടില്ല . അപേക്ഷകള്‍ കോന്നി കുമ്മണ്ണൂര്‍ വനം വകുപ്പ് ഓഫീസില്‍ കെട്ടികിടക്കുന്നു .