കോന്നി പോലീസ് സ്റ്റേഷനിലെ പോലീസുകാരന് കോവിഡ് വന്നത് സമ്പര്‍ക്കത്തിലൂടെ
കോന്നി വാര്‍ത്ത ഡോട്ട് കോം : കോന്നി പോലീസ് സ്റ്റേഷനിലെ പോലീസുകാരന് കോവിഡ് രോഗം പകര്‍ന്നത് സമ്പര്‍ക്കത്തിലൂടെ. ഈ മാസം 12 വരെ ഈ പോലീസുകാരന് ജോലി നോക്കി .പിന്നീട് കോന്നി പോലീസ് സ്റ്റേഷനില്‍ വന്നിട്ടില്ല . വലഞ്ചുഴി സ്വദേശിയായ 50 വയസുകാരനായ കോന്നി പോലീസ് സ്റ്റേഷനിലെ ജീവനക്കാരനാണ് ഇന്ന് കോവിഡ് സ്ഥിരീകരിച്ചത് . മുന്‍പ് രോഗബാധിതനായ ആര്‍.ടി.ഓഫീസ് ജീവനക്കാരന്‍റെ സമ്പര്‍ക്കപ്പട്ടികയില്‍ ഉളളയാളാണ് എന്നു ആരോഗ്യ വകുപ്പിന്‍റെ ലിസ്റ്റില്‍ കാണുന്നു . സമ്പര്‍ക്കത്തിലൂടെയാണ് രോഗം പകര്‍ന്നത് എന്നു ആരോഗ്യ വകുപ്പ് കണ്ടെത്തി . ഇതോടെ കോന്നി പോലീസിലെ 19 പോലീസുകാര്‍ നിരീക്ഷണത്തില്‍ പ്രവേശിച്ചു . ഇവരുടെ കോവിഡ് പരിശോധന അടുത്ത ദിവസം നടക്കും . പോലീസ് സ്റ്റേഷന്‍ അണുവിമുക്തമാക്കും . ബാക്കി പോലീസുകാര്‍ നിലവില്‍ കോന്നി പോലീസ് സ്റ്റേഷനില്‍ ജോലിയില്‍ ഉണ്ട് .