നിക്ഷേപ തുക തിരിച്ചു കൊടുക്കാൻ കഴിയാത്ത സഹകരണ സ്ഥാപനങ്ങളില് 32 ബാങ്കുകൾ മാത്രം
സഹകരണ സ്ഥാപനങ്ങളില് നിക്ഷേപിച്ച തുക വിവിധ കാരണങ്ങളാല് തിരികെ നൽകാൻ സാധിക്കാത്ത 164 സംഘങ്ങളാണ് നിലവിലുള്ളതെന്ന് സഹകരണമന്ത്രി വി എൻ വാസവൻ . ഇതില് 132 എണ്ണവും വെല്ഫയര് സംഘങ്ങള്, റസിഡന്സ് അസോസിയേഷന് സഹകരണ സംഘങ്ങള്, ലേബര് സഹകരണ സംഘങ്ങള് എന്നിവയാണ്. ഇതില് പലതും ലിക്വിഡേഷന് നടപടികള് ആരംഭിച്ചതും സഹകരണ നിയമത്തിലെ വിവിധ വകുപ്പുകള് പ്രകാരം നടപടികള് ആരംഭിച്ചിട്ടുള്ളതും പ്രവര്ത്തന വൈകല്യം മൂലം പിരിച്ചുവിടപ്പെട്ടതോ അഡ്മിനിസ്ട്രേറ്ററോ അഡ്മിനിസ്ട്രേറ്റീവ് കമ്മിറ്റി ഭരിക്കുന്നതോ ആയ സംഘങ്ങളാണ്.
നിക്ഷേപകരുടെ പണം തിരികെ നല്കുന്നതിനു നിയമപരമായ നടപടികള് ആരംഭിച്ചിട്ടുണ്ട്. ക്രിമിനല് അന്വേഷണം നേരിടുന്ന സംഘങ്ങളില് നിന്നും നിക്ഷേപം തിരികെ നല്കുന്നതിന് ചില നിയമപരമായ തടസങ്ങളുണ്ടെന്ന് അദ്ദേഹം പറഞ്ഞു.
ചില പ്രത്യേക ഉദ്ദേശ്യത്തോടെ പൊതുജനങ്ങളെ പ്രേരിപ്പിച്ച് നിക്ഷേപം നടത്തുകയും പ്രവര്ത്തന വൈകല്യം മൂലം സംഘത്തിന്റെ പ്രവര്ത്തനം നിലച്ചതുമായ സഹകരണ സംഘങ്ങളിലെ നിക്ഷേപം തിരികെ നല്കാന് സാഹചര്യമുണ്ട്. വെല്ഫയര് സംഘങ്ങള്, റസിഡന്സ് അസോസിയേഷന് സഹകരണ സംഘങ്ങള്, ലേബര് സഹകരണ സംഘങ്ങള് തുടങ്ങിയ പേരുകളില് തുടങ്ങുന്ന സംഘങ്ങളില് നിക്ഷേപം സ്വീകരിച്ച ശേഷം തിരികെ നല്കാന് കഴിയാത്ത സാഹചര്യം നിലനില്ക്കുന്നു.
Read Next
അഭിപ്രായം രേഖപ്പെടുത്തൽ നിർത്തൽ ആകിയിരികുന്നു.