മഴ : ഏത് സാഹചര്യവും നേരിടാന് തയ്യാറായിരിക്കാന് പോലീസിന് നിർദ്ദേശം
കോന്നി വാര്ത്ത ഡോട്ട് കോം : സംസ്ഥാനത്ത് വരുംദിവസങ്ങളില് മഴ ശക്തിപ്രാപിക്കുമെന്ന മുന്നറിയിപ്പിന്റെ അടിസ്ഥാനത്തില് ഏത് അടിയന്തിരസാഹചര്യവും നേരിടാന് തയ്യാറായിരിക്കാന് സംസ്ഥാന പോലീസ് മേധാവി അനില്കാന്ത് പോലീസുദ്യോഗസ്ഥര്ക്ക് നിര്ദ്ദേശം നല്കി.
കനത്ത മഴയില് മണ്ണിടിച്ചില് ഉള്പ്പെടെ സംഭവിക്കാന് സാധ്യതയുളളതിനാല് അത്തരം സാഹചര്യം നേരിടുന്നതിന് എല്ലാ പോലീസ് സ്റ്റേഷനുകളിലും ദുരന്തനിവാരണ സംഘങ്ങൾ സജ്ജമാക്കിയിട്ടുണ്ട്. അടിയന്തിര രക്ഷാപ്രവര്ത്തനത്തിനായി ജെ.സി.ബി, ബോട്ടുകള് എന്നിവ ഉള്പ്പെടെയുളള സംവിധാനങ്ങള് ക്രമീകരിക്കും. സംസ്ഥാനത്തെ എല്ലാ കോസ്റ്റല് പോലീസ് സ്റ്റേഷനുകള്ക്കും പ്രത്യേക ജാഗ്രതാനിര്ദ്ദേശം നല്കി.
താഴ്ന്ന പ്രദേശങ്ങളില് താമസിക്കുന്ന ജനങ്ങളുടെ സുരക്ഷ ഉറപ്പാക്കും. ദുരിതാശ്വാസ പ്രവര്ത്തനങ്ങളില് പോലീസ് ജനങ്ങള്ക്കൊപ്പമുണ്ടെന്ന് സംസ്ഥാന പോലീസ് മേധാവി പറഞ്ഞു.
Read Next
അഭിപ്രായം രേഖപ്പെടുത്തൽ നിർത്തൽ ആകിയിരികുന്നു.