കലഞ്ഞൂർ പഞ്ചായത്ത്‌ വാർഡ് 20 ല്‍ നടന്ന ഉപ തിരഞ്ഞെടുപ്പില്‍ അലക്സാണ്ടർ ഡാനിയേൽ വിജയിച്ചു

തദ്ദേശ ഉപതിരഞ്ഞെടുപ്പ്: എൽ.ഡി.എഫ്-7 , യു.ഡി.എഫ് -6 , സ്വതന്ത്രൻ – 2 സീറ്റുകൾ നേടി

സംസ്ഥാനത്തെ 9 ജില്ലകളിലെ 15 തദ്ദേശസ്വയംഭരണ വാർഡുകളിലേക്കു നടന്ന ഉപതിരഞ്ഞെടുപ്പിൽ എൽ.ഡി.എഫ് 7 ഉം യു.ഡി.എഫ് 6 ഉം സ്വതന്ത്രൻ 2 ഉം വീതം സീറ്റുകൾ നേടി.

പത്തനംതിട്ട, ആലപ്പുഴ, കോട്ടയം, എറണാകുളം, മലപ്പുറം, കോഴിക്കോട്, കണ്ണൂർ ജില്ലകളിലെ 11 ഗ്രാമ പഞ്ചായത്ത് വാർഡുകളിലും മലപ്പുറം ജില്ലയിലെ ഒരു ബ്ലോക്ക് പഞ്ചായത്ത് വാർഡിലും തിരുവനന്തപുരം, എറണാകുളം, വയനാട് ജില്ലകളിലെ 3 മുനിസിപ്പാലിറ്റി വാർഡുകളിലുമാണ് ഉപതിരഞ്ഞെടുപ്പ് നടന്നത്.

എൽ.ഡി.എഫ്. വിജയിച്ച വാർഡ്, സ്ഥാനാർത്ഥി, ഭൂരിപക്ഷം എന്ന ക്രമത്തിൽ: തിരുവനന്തപുരം-നെടുമങ്ങാട് മുനിസിപ്പാലിറ്റി- പതിനാറാംകല്ല്- വിദ്യാ വിജയൻ – 94, പത്തനംതിട്ട-കലഞ്ഞൂർ ഗ്രാമ പഞ്ചായത്ത്-പല്ലൂർ- അലക്‌സാണ്ടർ ഡാനിയേൽ-323, എറണാകുളം – വേങ്ങൂർ ഗ്രാമ പഞ്ചായത്ത്-ചൂരത്തോട്- പീറ്റർ പി.വി(പിന്റു) -19, മലപ്പുറം തലക്കാട് ഗ്രാമ പഞ്ചായത്ത്- പാറശ്ശേരി വെസ്റ്റ്- സജില (കെ.എം.സജില)-244, കോഴിക്കോട് – വളയം ഗ്രാമ പഞ്ചായത്ത്-കല്ലുനിര-കെ.ടി. ഷബീന -196, വയനാട് സുൽത്താൻബത്തേരി മുനിസിപ്പാലിറ്റി- പഴേരി- എസ്.രാധാകൃഷ്ണൻ -112, കണ്ണൂർ-ആറളം ഗ്രാമ പഞ്ചായത്ത് – വീർപ്പാട് യു.കെ.സുധാകരൻ -137.

യു.ഡി.എഫ്. വിജയിച്ചവ: കോട്ടയം എലിക്കുളം ഗ്രാമ പഞ്ചായത്ത് ഇളങ്ങുളം ജയിംസ് ചാക്കോ ജീരകത്തിൽ – 159, എറണാകുളം മാറാടി ഗ്രാമ പഞ്ചായത്ത് നോർത്ത് മാറാടി രതീഷ് ചങ്ങാലിമറ്റം 91, എറണാകുളം വാരപ്പെട്ടി ഗ്രാമ പഞ്ചായത്ത്‌കോഴിപ്പിള്ളി സൗത്ത് ഷജി ബെസ്സി 232, മലപ്പുറം ചെറുകാവ് ഗ്രാമ പഞ്ചായത്ത് ചേവായൂർ – കെ.വി.മുരളീധരൻ – 305, മലപ്പുറം വണ്ടൂർ ഗ്രാമ പഞ്ചായത്ത് മുടപ്പിലാശ്ശേരി യു.അനിൽ കുമാർ -84, മലപ്പുറം – നിലമ്പൂർ ബ്ലോക്ക് പഞ്ചായത്ത് വഴിക്കടവ് ബാബു ഏലക്കാടൻ – 429.

ആലപ്പുഴ മുട്ടാർ ഗ്രാമ പഞ്ചായത്ത് നാലുതോട് മത്സരിച്ച എൽ.ഡി.എഫ് സ്വതന്ത്ര സ്ഥാനാർത്ഥി ആന്റണി (മോനിച്ചൻ)യും സണ്ണി മാമനും 168 വീതം വോട്ടുകൾ നേടി. നറുക്കെടുപ്പിലൂടെ ആന്റണി (മോനിച്ചൻ)യെ വിജയിയായി പ്രഖ്യാപിച്ചു. എറണാകുളം – പിറവം മുനിസിപ്പാലിറ്റി കാരക്കോട് സിനി ജോയി യു. ഡി. എഫ് സ്വതന്ത്ര 205 വോട്ടിന്റെ ഭൂരിപക്ഷത്തിൽ വിജയിച്ചു.