konnivartha.com : 970 കോടി രൂപ ചെലവിലാണ് നാലുനില കെട്ടിടം നിർമിച്ചിരിക്കുന്നത്. അഹമ്മദാബാദ് ആസ്ഥാനമായുള്ള എച്ച്സിപി ഡിസൈൻ, പ്ലാനിംഗ് ആൻഡ് മാനേജ്മെന്റ് ആണ് കെട്ടിടം രൂപകൽപ്പന ചെയ്തിരിക്കുന്നത്, ടാറ്റ പ്രോജക്ട്സ് ലിമിറ്റഡാണ് ഇത് നിർമ്മിച്ചിരിക്കുന്നത്. പാർലമെന്റിന്റെ ഇന്നത്തെ കെട്ടിടം 1927 ൽ പൂർത്തിയായി, ഇത് ഏകദേശം 100 വർഷം പഴക്കമുള്ളതാണ്. സ്ഥലമില്ലായ്മയും നവീകരിക്കേണ്ടതിന്റെ ആവശ്യകതയുമാണ് പുതിയ പാർലമെന്റ് നിർമ്മിക്കുന്നതിനുള്ള പ്രധാന കാരണമായി പ്രസ്താവിക്കുന്നത്. പുതിയ പാർലമെന്റ് മന്ദിരം നിർമിക്കാൻ സർക്കാരിനോട് ആവശ്യപ്പെടുന്ന പ്രമേയങ്ങൾ ലോക്സഭയും രാജ്യസഭയും പാസാക്കി. 2020 ഡിസംബറിൽ മോദിയാണ് പുതിയ കെട്ടിടത്തിന്റെ തറക്കല്ലിട്ടത്.ഇന്ത്യയുടെ 75-ാം സ്വാതന്ത്ര്യ വർഷത്തോട് അനുബന്ധിച്ച് 2022-ൽ നിർമ്മാണം പൂർത്തിയാകുമെന്ന് പ്രതീക്ഷിച്ചിരുന്നു.1921-ലാണ് പഴയ പാർലമെന്റിന്റെ തറക്കല്ലിട്ടത്. ഇനി ഇത് പൈതൃക സ്വത്തായി സംരക്ഷിക്കപ്പെടും.
Read Moreപുതിയ പാർലമെന്റ് മന്ദിരം മെയ് 28ന് പ്രധാനമന്ത്രി നരേന്ദ്ര മോദി ഉദ്ഘാടനം ചെയ്യും
